المكملات الغذائية| المصادر الطبيعية للمغذيات

عن الفيتامينات والمعادن نتحدث وكيف نحصل عليها .. كتير بيسأل عن الفيتامينات والمعادن ومصادرها .. وهذا رأيي المتواضع:

لا افضل المالتي فيتامينز (مجموعة الفيتامينات) ابداا لانها لا تفي بالاحتياجات اليوميه وتكون درجة امتصاصها الحيوي منخفضة والاستفادة تكون قليله لاتضيع فلوسك علي الفاضي.❎
بالنسبة لـ المالتي_مينيرالز (مجموعة المعادن) ان لم تكن محمله علي احماض امينيه فانها تعوق بعضها البعض ولا يستفيد الجسم الا 4% علي اقصي تقدير (لازم تكون Chealated multiminerals).

♦المكمل الغذائي لا نلجأ له الا في حاله نقصان عنصر معين (بالتحليل المخبري او الشعور بأعراض نقص عنصر ما هنتكلم بعدين عنها) او نكمل ما لا نستطيع استكماله في نظامنا الغذائي .. يعني الاساس هو النظام الغذائي الصحي المتوازن.

💠نتكلم :

♦اولا #فيتامين_D (أهم فيتامين بيدخل في مئات الوظائف بشكل مباشر او غير مباشر) نحلله ونعرف نسبته ونحدد الجرعة اليوميه سواء وقائية او مكثفه لو مضبوط ممكن نتعرض للشمس يوميا نبقي تمام لو مش متاح بناخد جرعه وقائية (اسمه Vitamin D3 اي حاجة ملهاش لازمه).

♦ثانيا #فيتامين B المتعدد مهم للغاية ولوظائف كتيرة افضل مصدر الخميرة الغذائية .. الكبده .. اللحمة .. #الخضروات لو مش متاح ممكن مكمل يومي .

♦ثالثا #فيتامين C هاااام جداا نهتم بمصادرة الطبيعية (الفلفل بانواعة .. الليمون .. الكرنب العادي والمخلل .. القرنبيط .. الثوم .. الفراولة) .. لا احبذ مكملات فيتامين سي الا اذا كانت في صورة متكامله (vitamin C complex) .. ودا بيكون اسكوربيك اسيد مع بيوفلافونويدز وروزهيبس ومعادن لو دا موجود ممكن ناخد منه ولا اعلم في عالما العربي متواجد ام لا علشان كده نهتم بالمصادر الطبيعية أفضل.

♦رابعا #فيتامين A و E موجود بمصادر الدهون والبروتين الحيواني والخضار وممكن مكمل زيت كبد الحوت او زيت جنين القمح .

♦خامسا #أوميجا3 مصادرة الطبيعية زي الاسماك والدهون الحيوانية وزيت السمك وزيت الزيتون وجوز الهند وممكن ناخد منه مكمل يومي لصحة القلب وحاجات كتير بيكون في صورة كبسوله زيت سمك.

♦سادسا #فيتامين_K2 لصحة العظام موجود في الدهون الصحية .. مصادره الغذائية قليلة للاسف .. لو الميكروبيوم عندك قوي بيقدر يصنعه غير كده ناخده كمكمل (mk7) .. الفيتامين ده بيكمل عمل فيتامين D والكالسيوم والمغنسيوم لصحة العظام.

♦سابعا علشان نظبط الاملاح الاساسية اليومية #الألكترولايت (شرب الماء الكافي .. نضيف ملح للاكل علشان الصوديوم والكلوريد اتنين الي تلاته جرام يوميا .. طبقين خضار كبار يوميا علشان البوتاسيوم والمغنسيوم وفيتامينات كتير .. ملعقتين سمسم كبار وكتان علشان الكالسيوم و المغنسيوم والحديد .. #الليمون بوفرة .. خل التفاح ) .. لا احبذ مكملات #البوتاسيوم ابدااا وافضل ان تكون من مصادره الطبيعية وهي الخضروات كما يمكن الاستعانه بملح منخفض #الصوديوم ومدعم بالبوتاسيوم .. اما #المغنسيوم فمصدرة الطبيعي الخضروات والبذور واذا ظهرت اعراض نقصانه ممكن اخذ مكمل مغنسيوم سترات او مغنسيوم محمل علي حمض اميني .

♦ثامنا في مصادر تانيه للكالسيوم والاملاح زي منتجات الالبان وفي مصادر للحديد زي اللحمة الحمراء .. المهم نعرف ان #الكالسيوم بيعوق #الحديد في الامتصاص وفيتامين سي بيزود امتصاص الحديد .. (لا احبذ #مكملات_الحديد الا عند الضرورة الطبيه وبناء علي تحليا علشان له اضرار كبيرة و يجب الاهتمام بمصادرة الطبيعية) .. (الكالسيوم في صورة كربونات لا احبذه تماما .. لو محمل علي حمض اميني ممكن ولا يؤخذ الا اذا كان هناك نقصا او لضرورة طبية) .. مكمل الحديد لا يؤخذ مع مكمل الكالسيوم لازم في وقت مختلف .. مكمل الكالسيوم لازم يتاخد مكمل المغنسيوم

♦تاسعا #اليود من المنتجات البحرية او اعشاب البحر .

♦عاشرا في املاح بتبقي نادرة في الغذاء لازم ناخدها مكمل (السيلينيوم .. الزنك .. النحاس .. الكروميوم .. السيلكا .. البورون .. الموليبدينوم) دي ممكن مكمل محمل علي احماض امينية لضمان قوه الامتصاص الحيوي .. زي ماقلنا عن الكالسيوم والمغنسيوم هنقول عن الزنك والنحاس لازم يكونوا مع بعض بينظموا عمل بعض.

♦حادي عشر #مضدات_الأكسده لها انواع كتيرة جدااااااا اهمها :

الجلوتاثيون (glutathione) ودا بيكونه الجسم في الكبد ودا مهم جدااا لمقاومة #السرطان اهم المصادر الطبيعية اللي بيستخدمها الكبد لصنعه (البيض .. الكرنب .. الثوم .. البصل .. الفجل .. الجرجير .. القرنبيط .. البروكلي) كمان فيتامين B كومبليكس .. الزنك .. حليب الشوك.
الالفا ليبويك اسيد (Alpha Lipoic Acid) ودا بيكونه الجسم ومهم جدا للاعصاب وحرق الدهون والطاقة لو مقرون بالبونفوتامين ودا نوع من فيتامين B1 هيبقي تأثيرة افضل.
كو انزيم كيو تن (Co Q10 Enzyme) هام لصحة القلب وزيادة الطاقة وخفض تأثير الكوليستيرول الضار.
كاروتينويدز ودي موجوده بالخضار .
البوليفينول ودي مركبات نباتية قوية جداا كمضدات أكسده موجودة البيريز زي الفراولة .. الشكولاته الدارك .. القهوة .. الشاي الاخضر .. والخضروات عموما.