كيف نحقق الاستفادة من الفيتامينات والمعادن اللي نأخذها كمكملات؟

• مواعيد أخذ الفيتامينات خلال اليوم ..
• مين بيتعارض مع مين ؟ .. مين يفضل مع مين؟
• أخد المكمل مع الاكل ولا علي معدة فاضية.

سنرد هنا علي هذه الاستفسارات علشان ننعم بصحة ممتازة ومناعة قوية تحمينا من أخطار الامراض والفيروسات ان شاء الله.

طبعا هفكركم أن الاساس هو نظامنا الغذائي الصحي والتركيز على مصادر المعادن والفيتامينات من الغذاء الطبيعي، أما المكملات بناخدها علشان نكمل الناقص من نظامنا وطبعا بنعرف اللي ناقصنا اما بتحليل او بظهور اعراض نقص لعنصر معين واكيد متخصص هو اللي يقولك تعمل ايه.

فيتامين (A) الريتنول:

• دا من الفيتامينات اللي بتدوب في الدهون فناخدة مع وجبة فيها دهون علشان نحصل علي افضل استفادة.
• يتعارض مع ( B12 .. البوتاسيوم ) فلازم يبقي في فارق في الوقت بينهم علشان نستفيد.
• يفضل مع (فيتامين C .. فيتامين E .. الحديد).

فيتامين D3 كوليكالسيفيرول:

• وهو من الفيتامينات اللي بتدوب في الدهون فناخده مع وجبة فيها دهون زي ما قلنا.
• يتعارض مع (فيتامين E ) لازم يبقي في فارق زمني حتي تتحقق الاستفاده من الاتنين.
• يفضل مع الكالسيوم والفسفور.

فيتامين E توكوفيرول:

• هذا فيتامين يذوب في الدهون فناخده مع وجبة دهون.
• يتعارض مع حاجات كتير (فيتامين بي 12 .. فيتامين D .. البوتاسيوم .. الحديد .. المغنسيوم .. النحاس .. الزنك).
• يفضل مع (فيتامين A .. فيتامين C).

فيتامين K1 .. K2 :

• برضو فيتامين بيدوب في الدهون فناخده مع وجبة فيها دهون.
• يتعارض مع (فيتامين A .. فيتامين E ) لازم يبقي في فارق زمني بينهم.
• يفضل مع (فيتامين B2 .. الكالسيوم).

فيتامين (C) :

• طبعا فيتامين C اللي بنقصده هو المركب وليس الاسكوربيك فقط .. تركيبة (اسكوربيك .. بيوفلافينويدز .. روتين .. روزهيبس .. بعض المعادن).
• دا فيتامين بيدوب في الماء فناخده علي معده فاضية ويفضل صباحا.
• يتعارض مع (فيتامين B1 .. فيتامين B12 .. النحاس)
• يفضل مع (فيتامين A .. فيتامين B5 .. فيتامين B9 او الفولات .. الحديد .. الكالسيوم .. فيتامين E).

فيتامين B1 الثيامين:

• يذوب هذا الفيتامين في الماء فناخده علي معدة فاضية.
• يتعارض مع (فيتامين B12 .. فيتامين C.. المغنسيوم .. الكالسيوم).
• يفضل مع ( كل انوع فيتامين B ماعدا فيتامين B12 زي ماقلنا .. الزنك .. فيتامين E).

فيتامين B2 الرايبوفلافين:

• يذوب في الماء ناخده علي معدة فاضية.
• يتعارض مع (فيتامين B12 .. الحديد .. النحاس).
• يفضل مع (البوتاسيوم .. الزنك .. كل انوع فيتامين B ماعدا فيتامين بي 12).

فيتامين B3 النياسين:

• يذوب في الماء ناخده علي معدة فاضية.
• لا يتعارض مع شيء.
• يفضل مع (كل انواع فيتامين B .. الحديد).

فيتامين B5 حمض البانتوثيانيك:

• يذوب في الماء ناخده علي معدة فاضية.
• يتعارض مع (النحاس).
• يفضل مع (فيتامين C .. كل انوع فيتامين B).

فيتامين B6 بيرودكسين:

• يذوب في الماء ناخده علي معدة فاضية.
• يتعارض مع (فيتامين B12).
• يفضل مع (النحاس .. الكالسيوم .. الزنك .. كل انوع فيتامين B ماعدا فيتامين B12).

فيتامين B9 الفولات:

• يذوب في الماء ناخده علي معدة فاضية.
• يتعارض مع (الزنك).
• يفضل مع (فيتامين C .. كل انوع فيتامين B).

فيتامين B12 كوبلامين:

• يذوب في الماء ناخده علي معدة فاضية.
• يتعارض مع (فيتامين B1 .. B2 .. B6 .. فيتامين C .. فيتامين E .. الحديد .. النحاس).
• يفضل مع (الكالسيوم .. B3 .. B9).

الحديد:

• يؤخد بعد الاكل ويكون في صورة محمل علي حمض أميني.
• يتوافق مع (فيتامين سي .. فيتامين A .. فيتامين B3).
• يتعارض مع (B2 .. B12 .. فيتامين E .. الكالسيوم .. الزنك).

المغنسيوم:

• يؤخذ علي معدة فارغة في صيغة مغنسيوم سترات او محمل علي حمض أميني.
• يتوافق مع الكالسيوم وينظم عمله.
• يتعارض مع (B1 .. الحديد .. فيتامين E).

النحاس:

• يؤخذ علي معده فاضية محمل علي حمض أميني.
• يتوافق مع (الزنك .. الحديد .. B6).
• يتعارض مع (B2 .. B12 .. فيتامين C .. فيتامين E ).

الزنك:

• يؤخذ علي معده فاضية محمل علي حمض أميني.
• يتوافق مع (النحاس .. B6 .. B2 ).
• يتعارض مع (B9 .. فيتامين E .. الحديد .. الكالسيوم ).

الكالسيوم:

• يؤخذ علي معده فاضية محمل علي حمض أميني.
• يتوافق مع (البوتاسيوم .. فيتامين D .. فيتامين C .. B6 .. B12).
• يتعارض مع (الحديد .. الفسفور .. الزنك .. B1).

الفسفور:

• يؤخذ علي معده فاضية محمل علي حمض أميني.
• يتوافق مع (فيتامين D).
• يتعارض مع (المغنسيوم .. الكالسيوم ).

---